نجم الزمالك يفجرها محدش دفعلي جنيه والنادي مفهوش فلوس

تحدث يوسف حسن مهاجم الفريق الأول لكرة القدم بنادي الزمالك اليوم عبر حسابه على فيسبوك عقب غيابة لمدة طويلة عن المشاركة مع الفريق بعد الإصابة التي لحقت به .

وقال يوسف عبر حسابه على فيسبوك : ” انا بس هتكلم كلمتين و الواحد ساكت متكلمتش من ساعه ما اتصابت انا ولا حد بيسال فيا ولا حد بيطمن عليا بدون ذكر اسامي انا مقصرتش مع حد ولا عمري حد شاف مني حاجه وحشه .

وتابع : اولا انا اتصبت ف ماتش المقاولون العرب ف الكاحل تمام اتعلجت يومين وبعدين روحت المنتخب الشباب اتخبط فيها تاني و الاصابه تشخصها اني عندي قرحه ف الكاحل.

وأضاف: محتاجه ليزر وكل م اكلم حد يقولي النادي مفهوش فلوس انا بقالي خمس شهور قاعد ف البيت مفيش حد عارف يعملي عمليه ب 150 الف جنيه لدرجه اني قولت عاوز فلوسي وانا هعملها علي حسابي .

وشدد وتاني مره اقوله حسبي الله ونعمه الوكيل ف الي قال مزمنه انت كده بتدمرني انا معملتش حاجه وحشه الي قال كده يثبت انها مزمنه وانا هوريلو التقرير والاشعه نفسي افهم لي بيحصل كده

وأكمل: انا مقصرتش بنقطه عرق وحده وانا بلعب مع النادي الزمالك لعبت خمس متشات كسبنا الخمسه الحمدلله ياعني مقصرتش ب اي حاجه

وأتم حديثة قائلا: عمتا انا ف انتظار احد مسئول ف النادي يكلمني وهعمل العمليه وهرجع احسن من الاول باذن الله وانا بحب جمهور الزمالك من قلبي فعلا شكرا.

وكان تعاقد مسئولي فريق الزمالك برئاسة مرتضى منصور الرئيس السابق للفريق من يوسف حسن لاعب نادي وادي دجلة في الانتقالات الصيفية لعام ” 2022″ بعد طلب البرتغالي فيريرا بضمه.

ويستعد الزمالك لمواجهة سموحة في بطولة الدوري المصري الممتاز ” دوري النيل ” يوم السبت الموافق 21 في بطولة الدوري المصري الممتاز خلال إطار الجولة الرابعة على ستاد القاهرة في تمام الساعة السابعة مساء.